«марказий банк» тегли мақолалар
Oson ва PayWay халқаро пул ўтказмаларини тўхтатди
Oson тўлов хизмати 5 сентябрдан халқаро пул ўтказмалари ва хорижий хизматлар учун тўловларни вақтинча тўхтатди. PayWay ҳам барча халқаро йўналишларда, шу жумладан, Россиядан ва Россияга пул ўтказмаларини тўхтатмоқда ва буни Марказий банкнинг талаби билан изоҳлади.
Қимматли қоғозлар марказий депозитарийси Марказий банкга ўтказилади
«Қимматли қоғозлар марказий депозитарийси» давлат унитар корхонаси «Қимматли қоғозлар марказий депозитарийси» АЖга ўзгартирилади ва унинг устав капиталидаги давлат акциялари пакети Марказий банкка ўтказилади. Шунингдек, «Миллий клиринг маркази» ташкил этилади.
Oson — МБ жаримаси ва трансчегаравий транзит операциялар тақиқланиши ҳақида
«Газета.uz»га Brio Group (Oson) МБ қўллаган жарима юзасидан изоҳ берди. Шунингдек, тўлов ташкилотлари 5 сентябрдан трансчегаравий транзит операциялар тақиқланиши ҳақида огоҳлантирилгани айтилди. Компания МБдан миллионлаб мижозларга таъсир қилувчи масала бўйича шаффоф мулоқот ташкил этишни сўраяпти.
Қонун талабларини бузгани учун Oson`га жарима санкцияси қўлланди
Марказий банк жиноий фаолиятдан олинган даромадларни легаллаштиришга ва терроризмни молиялаштиришга қарши курашиш тўғрисидаги қонунчилик ҳужжатлари талабларини бузгани учун Brio Group (Oson) тўлов ташкилотига нисбатан жарима санкцияси қўлланганини маълум қилди.
Ўзбекистонда уй-жой нархларининг ўсиши тезлашди
Ўзбекистонда уй-жой нархининг ўсиши тезлашди, дейилади МБ шарҳида. Иккиламчи уйлар нархи йиллик ҳисобда 27,2 фоизга, янги уйларники 21 фоизга ошди. Талаб асосан ипотека кредитлари ҳисобига ортмоқда. Тошкентда ер участкалари нархи сотихига 282 млн, уй-жойлар нархи квадратига 11,3 млн сўмгача етди.
Марказий банкка оилавий тадбиркорликни кредитлаш бўйича топшириқ берилди
Президент фармонига кўра Марказий банк 2024 йилдан оилавий тадбиркорлик дастурлари учун банкларга камида 2 трлн сўм миқдорида кредитлар ажратиши керак. Бунгача мазкур мақсадлар учун пул ТТЖ ёки бюджетдан ажратилган. МБ маблағларини расмий жалб қилиш (қонунда назарда тутилмаган) илк бор кузатилади.
«Ўз эътирозларимизни билдирдик». АҚШнинг «Оҳангаронцемент»га қарши санкциялари ҳақида МБ раҳбари
Президент топшириғи билан тузилган ишчи гуруҳ АҚШда бўлиб, «Оҳангаронцемент» ва таъсисчиси Akkermann Cement CA`га (Алишер Усмоновнинг USM холдингидаги компания томонидан ташкил этилган) қарши санкциялар бўйича ўз эътирозларини билдирди, дея маълум қилди Марказий банк раҳбари Мамаризо Нурмуратов.
Электр энергияси ва газ нархи ошиши 2023 йил учун инфляция прогнозида акс эттирилган — Марказий банк раиси ўринбосари
Ўзбекистонда электр энергияси, газ ва сув нархларининг либераллаштирилиши ва унинг нархлар ўсишига таъсири 2023 йил учун инфляция прогнозида назарда тутилган, деди Марказий банк раиси ўринбосари Беҳзод Ҳамроев.
Марказий банк сўмнинг кескин қадрсизланишига изоҳ берди
Ўзбекистоннинг қатор банкларида доллар курси 12 минг сўмдан ошиб кетди. Марказий банк ҳолатни изоҳлаб, асосий савдо-ҳамкор давлатлар миллий валюталарининг сезиларли қадрсизланиши ички валюта бозоридаги таклифга салбий таъсир ўтказганини қайд этди.
Марказий банк раҳбарига кадрлар сиёсати ва режим бўйича ўринбосар тайинланди
Улуғбек Носиров Ўзбекистон Марказий банки раисининг янги ўринбосари бўлди, дея хабар берди «Газета.uz» манбаси. У «кадрлар сиёсати ва режим назорати» учун масъул бўлади.
Ўзбекистон олтин-валюта захиралари кетма-кет тўртинчи ой камайди
Ўзбекистоннинг халқаро валюта захиралари кетма-кет тўртинчи ойдирки камайиб бормоқда. Июль ойида улар 71,8 миллион долларга камайди ва 33,6 миллиард долларни ташкил этмоқда. Йил бошидан буён мамлакатда «молиявий хавфсизлик ёстиғи» 2,1 миллиард долларга камайди.
Марказий банк регулятор номидан одамларни алдашга уриниш ҳолати кузатилаётганидан огоҳлантирди
Марказий банк Telegram`да регулятор номидан сохта канал очиб, фуқароларни алдашга уриниш ҳолатлари кузатилаётганини маълум қилди. «Марказий банк тижорат фаолияти билан шуғулланмайди, шу жумладан, жисмоний шахсларга кредит ажратмайди ёки молиявий ёрдам кўрсатмайди», дейилади регулятор хабарида.
Марказий банк раиси — аҳолини кредитлаш ҳажмининг ўсиши ва иқтисодиётдаги қарз юки ҳақида
Аҳолига кредит бериш ҳажми уларнинг даромадларидан тезроқ ўсиб бормоқда, бу эса иқтисодиётдаги қарз юки ортаётганидан далолат беради, деди Марказий банк раиси. Унинг айтишича, чакана кредитлашда «қизиб кетиш»нинг олдини олиш учун тартибга солувчи чора-тадбирларни кўриш бошланган.
«Бу фақат бизнинг хоҳишимизга боғлиқ эмас». Марказий банк раҳбари — давлат банкларини хусусийлаштириш ҳақида
Марказий банк раҳбари давлат банкларини хусусийлаштириш нега кечиктирилаётгани ҳақида гапириб, «бу нафақат бизнинг хоҳишимизга, балки хорижий инвесторларнинг ишончига ҳам боғлиқ», деб таъкидлади. Ўтган йилги геосиёсий инқироз инвесторларнинг постсовет мамлакатлари бозорига киришини қийинлаштирган.
Рублнинг қадрсизланиши Ўзбекистон иқтисодиётига қандай таъсир қилади?
Россия рублининг қадрсизланиши Россиядан Ўзбекистонга пул ўтказмалари ҳажмига, шунингдек, ўзбекистонлик экспортёрлар даромадига салбий таъсир қилади, дея маълум қилди Марказий банк раҳбари Мамаризо Нурмуратов.
Нарх пуфаклари салбий таъсирининг олдини олиш учун ипотека кредитларига максимал чегара қўйганмиз — МБ раиси
Марказий банк раиси нарх пуфаклари ёрилаётган вақтида банкларга бўладиган салбий таъсирнинг олдини олиш учун ипотека кредитлари ажратишда максимал чегаралар белгиланганини айтди. Аввалроқ Тошкент шаҳридаги уй-жой нархларининг бозор ва фундаментал қийматлари ўртасидаги фарқ 210 млн сўмга етганди.
Импортнинг ўсиши доллар курсига босим ўтказмоқда — Марказий банк раиси
Миллий валютанинг кучсизланишига импортнинг ўсиши ҳам таъсир қилмоқда, деди Марказий банки раиси Мамаризо Нурмуратов. Унинг сўзларига кўра, бу мавсумий ҳодиса ҳисобланади ва бугунги валюта курси ташқи савдо операцияларининг ҳақиқий кўринишини акс эттиради.
Муаммоли қарзлар бўйича тавсиялар банкирлар дам олиш кунларида ишлашининг олдини олиш учун ишлаб чиқилган — МБ раиси
Марказий банк раиси банк ва қарздорлар муносабатларини тартибга солувчи тавсиялардан асосий мақсад банкирларнинг ишдан ташқари вақтида ишламаслигини таъминлаш эканини таъкидлади. Шунингдек, регулятор раҳбари муаммоли қарзлар билан ишлаш бўйича энг самарали тизимлардан бири Россияники эканини айтди.
Биринчи ярим йилликда бюджет харажатларининг ортиши газ импорти ҳажми ошиши билан боғлиқ — Мамаризо Нурмуратов
Марказий банк раиси Ўзбекистонда биринчи ярим йилликда бюджет харажатлари ортиши газ импорти ҳажми ошиши билан боғлиқ эканини таъкидлади. Январнинг 8 кунида бюджет тақчиллиги йиллик кутилманинг 20 фоизига етганди. Шундан сўнг Иқтисодиёт вазирлиги даромад ва харажат бўйича маълумот беришни тўхтатди.
Нархлар барқарорлигини таъминлаш учун бюджет дефицити белгиланган даражадан ошмаслиги муҳим — МБ
Марказий банк ўрта муддатли истиқболда иқтисодиётда нархлар барқарорлигини таъминлаш учун бюджет дефицитини белгиланган параметрлар даражасидан ошмаслигини таъминлаш муҳимлигини қайд этди. Регулятор инфляция даражаси 8,5−9,5 фоиз атрофида бўлиши бўйича прогнозини ўзгаришсиз қолдирган.
Энг кўп ўқилган хабарлар | Сўнгги янгиликлар
- Қозоғистонда Россия қонунчилигини бузган Ўзбекистон фуқароларини ҳибсга олиш бошланди
- Дам олиш кунлари Тошкентда қаерларга бориш мумкин? (18−19 май)
- Малайзия бош вазири Ўзбекистонга келди (фото)
- Украина Россиянинг Харьков вилоятидаги ҳужумини барқарорлаштиришга муваффақ бўлди
- Фарғонада қўрқитиб қўйиш учун ёш болани машина юкхонасига қамаб қўйган шахсга жиноят иши қўзғатилди
Қўшимча имкониятларга эга булиш учун сайтда рўйхатдан ўтинг